Saturday, July 1, 2017

மாநில சுயாட்சி தேவை

ஒரு அடுக்குமாடி குடியிருப்பில் 36 வீடுகள்
அந்த குடியிருப்புக்கென்று ஒரு நல சங்கம் அதற்க்கு ஒரு தலைவர்.
ஒவ்வொரு வீட்டுக்கும் ஒரு குடும்ப தலைவர்.

ஒவ்வொரு வீடுகளில் உள்ள குடும்ப தலைவர்களும் அவர்களது வீடுகளில் நடக்கும் வரவு செலவுகளை கண்காணிப்பார்கள் நிர்வாகிப்பார்கள்.
அவரவர் குடும்பத்தில் எந்த நல்லது கெட்டது நடந்தாலும் அவரவரே முடிவெடுப்பார்கள்்...
தேவையென்றால் அக்கம் பக்கம் வீட்டில் உள்ளவர்களிடம் ஆலோசனையும் பெறுவார்கள் உதவியும் பெறுவார்கள், டீ தூள் ,சக்கரையும் பெறுவார்கள்..

மாதம் ஒருமுறை மாத சந்தாவை குடியிருப்போர் நல சங்கத்துக்கு செலுத்துவார்கள்..
மொத்த குடியிருப்புக்கே பிரச்சனை என்றால் நல சங்கத்தில் பேசி ஒரு முடிவு எடுப்பார்கள் தீர்வு காண்பார்கள்..

அனால் எக்காரணம் கொண்டும் நல சங்க தலைவரை தங்கள் வீட்டில் உள்ள குடும்ப பிரச்னைக்காக அணுக மாட்டார்கள்...
அவரை அனுமதிக்கவும் மாட்டார்கள்.
(பொது பிரச்சனைகளை தவிர்த்து)

இது தான் இந்திய 29+7 மாநிலங்கள் ..

ஆனால் இன்று குடியிருப்போர் நல சங்க தலைவர் அவரது சங்க உறுப்பினர்களுடன் யார் வீட்டிலும் நுழைகிறார்... குடும்ப தலைவரை விரட்டி அல்லது மிரட்டி ..அங்கு இருப்பவர்களோடு குடும்பம் நடத்துகிறார்...

அதை எப்படி அந்த வீட்டில் உள்ளவர்கள் ஏற்பார்கள்...

அதுமட்டுமல்லாமல் உங்கள் வீட்டில் வாங்கப்படும் மளிகை சாமான்களில் தொடங்கி நாப்கின் வரை கணக்கு கேட்கிறார்... கொடுப்பீர்களா ?

நல சங்கத்துக்கு என்று சில விதிகள் இருக்கிறது.. அதை மீறுபவர்களை தட்டிக்கேட்க மட்டும் தான் அவருக்கு உரிமை இருக்கிறதே தவிர...
மற்றவர் வீட்டுக்குள் புகுந்து அவர் தங்கிக்கொள்ள உரிமையில்லை..

வீடுகளின் உரிமை சுயாட்சியில் இருக்கிறது.

மாநில சுயாட்சியே நாட்டின் வளர்ச்சி..

Krishna Kumar G