Wednesday, July 5, 2017

சாலை விபத்து வேடிக்கைகள்

நான் பல விபத்துக்குள் சிக்கி இருக்கிறேன் ...
ஒருமுறை பைக் விபத்தில் கொதிக்கும் சாலையில் விழுந்தேன் ...
சூடு தாங்காமல் எழுந்து முதல் அடி வைத்தேன் பிறகு முகம் குப்புற சாலையில் மீண்டும் விழுந்தேன் ...
அப்போது தான் தெரிந்தது என்னால் நிற்க முடியவில்லை என்று ...
வாகனத்தில் இருந்து பெட்ரோல் வேறு ஊற்றிக்கொண்டு இருந்தது..
சாலையில் பல வாகனங்கள் வேகமாக வந்து கொண்டு இருந்தது...
செல்போனை எடுத்தேன் உடைந்து இருந்தது வேலை செய்ய வில்லை ...
பிறகு தவழ்ந்தே வந்து சாலை ஓரத்தில் உள்ள காட்டு பூண்டு செடிகளில் வந்து படுத்துவிட்டேன் ...
பிறகு மக்கள் தான் ... எல்லா உதவியும் செய்தார்கள்...

சாலை விபத்து வேடிக்கைகள் :
பொதுவா ஒரு சாலை விபத்து நடந்துன்னா அங்கே பல வேடிக்கைகள் நடக்கும்
நான் பார்த்தவை :
பைக்கில் செல்லும்போது சாலையில் கூட்டமா நிற்ப்பார்கள்
வண்டியை ஓரமாக விட்டுவிட்டு
என்னவென்று சென்று பார்த்தால்
ஆண் பெண் சாலையில் விழுந்து ரத்த வெள்ளத்தில் கிடப்பார்கள்...
அடிக்கும் வெயிலில் கொதிக்கும் சாலையில்..
துடிப்பார்கள்...
யோ ஒரு கை பிடிங்க யா என்று தோளை பிடித்து தூக்குவேன்...
ஆனால் கூட்டத்தில் இருந்து யாரும் கால்களை பிடிக்க மாட்டார்கள்...
பிறகு இடுப்படி பிடித்து நானே தூக்கி சென்று சாலை ஓரத்தில் நிழலில் அல்லது கடை வாசலில் படுக்க வைத்து விட்டு ...
தலையில் ரத்தம் வந்தால் கை வைத்து பிடித்துகொள்வேன்.
யோ யாராவது 108 க்கு கால் பண்ணுங்க...
என்று கூட்டத்தில் உள்ளவர்களின் முகத்தை பார்த்தால் பாக்கெட்டை பாத்தா படி நிற்ப்பார்கள்..
கூட்டத்தில் இருந்து யாரோ ஏன் நீ பண்ணேன் என்பான் ...
யார் யா அது ...?
உடனே எல்லாரும் கைகளில் செல்போனை எடுப்பார்கள் ... பிறகு உடனே பாக்கெட் உள்ளே வைத்து விடுவார்கள்..
யாருமே கால் செய்ய மாட்டார்கள்...
ஒரு சிலர் வீடியோ எடுத்து கொண்டு இருப்பார்கள்.
பிறகு ஒரு நிமிஷம் இவர் தலையை பிடிங்க ... நான் கால் பண்ணுறேன் என்றதும் ...
கூட்டத்தில் இருந்து ஏன் எங்க கை இரத்தமாகுறதுக்கா என்பான் ...
யார் யா அது ...?
அப்போது தான் ஒருவன் வந்து என்ன ஆச்சி என்பான் ...
விபத்தை எவனாவது ஒருவன் விளக்கி சொல்லுவான்...
பிறகு அவன் இப்படிதான் ... ஆட்டோ காரனுங்க
லாரி காரனுங்க பைக்கு காரனுங்க ..
என்று தொடங்க புது கதை ஆரம்பித்து விடும்...
பிறகு ஆட்டோ வை பிடித்து ...
அடிப்பட்டவரை ஏற்றிவிட்டு ...
யாராவது ஒருவர் போங்க என்றால்
இப்ப ஏன் ஆட்டோ பிடிச்சிங்க 108 வரும்ல என்பான் ஒருவன்...
பிறகு எனக்கு வேலை இருக்குது என்று
சொல்லிவிட்டு அனைவரும் கலைந்து விடுவார்கள்...
ஆட்டோகாரர் பொறுப்பாக அவரை மருத்துவமனையில் சேர்த்து விடுவார்...
வீட்டுக்கு வந்து நாம் சோப்பு போட்டு கைகளில் உள்ள இரத்தத்தை கழுவி விட்டால் போய் விடும்...
அவ்வளவு தான்