Thursday, April 20, 2017

எல்லாம் சாம்பல் தான்

நவீன மின் சுடுகாட்டில் பிணத்தை கொடுத்ததும்
அதை ஒரு (chamber) அறைகுள் உள்ளே தள்ளி கதவை மூடிவிட்ட பின்
உங்களிடம் அஸ்தியை நாளைக்கு வந்து வாங்கிக்கோங்க என்று சொல்வார்கள்
நீங்கள் போன பிறகு இன்றொரு பிணம் வரும் வரை காத்து இருப்பார்கள்.
அதை அதற்க்கு மேல் உள்ள chamberல் வைப்பார்கள்
இரவு ஏழு எட்டு மணி வரை பொறுப்பார்கள்
அதற்குள்ளாக இன்னொரு பிணம் வந்தால்
அதையும் வாங்கி இன்னொரு chamberகுள் வைப்பார்கள்.
பிறகு ஸ்விட்ச்சை போடுவார்கள்.
மூன்று பிணமும் ஒன்றாக எரிந்து பஸ்பமாகும்.
வேலை மிச்சம் , மின்சாரம் மிச்சம்

அதில் பெண் பிணமும் இருக்கும்
ஆண் பிணமும் இருக்கும்
பல்வேறு ஜாதிய,மதவாத பிணமும் இருக்கும்
எல்லாம் காற்றில் ஒன்றாக கலக்கும்
அடுத்த நாள் யார் சாம்பல் யாருடையது என்பதும் தெரியாது...
மூன்றையும் ஒரு குடுவையில் போட்டு வைத்திருப்பார்கள்
முதலில் வருபவனிடம்
கையில் அகப்படும் ஏதோவொரு குடுவையை எடுத்து கொடுப்பார்கள்.
அந்த அஸ்த்தி தான் தன்னுடைய அப்பாவின் அஸ்த்தி என்று நம்பி ஒரு பெண்ணின் அஸ்த்தியை வாங்கி செல்லவும் வாய்ப்பு உண்டு.
(முடிஞ்சா கண்டுபிடிச்சிக்கோ என்கிற ரீதியில் இருக்கும்)

எல்லாம் முடிஞ்ச பின்னே ஜாதி என்ன மதம் என்ன
எல்லாம் சாம்பல் தான்
என்கிற வசனம் வெட்டியானிடம் இருந்து சிரிப்புடன் எதிரொலிக்கும்