Monday, October 17, 2016

எடுப்புச்சோறு Eduppusoru

என் தந்தை 1969 ஆம் ஆண்டு  முதல் 1981 வரை சென்னையில் வேலை செய்து  வந்தார் ,தற்போது அவர் இவ்வுலகில் இல்லை என்றாலும். அவர் எனக்கு கூறிய சில  தகவல்களின் அடிப்படையில் இதை எழுதுகிறேன்.

சென்னை மரினா கடற்கரை : 70களில் தினமும் மதிய வேளையில் ஏழை மக்கள் மரினா கடற்கரையில் எடுப்புச்சோறுக்காக  காத்திருப்பார்களாம் 
எடுப்புச்சோறு  என்றால் என்ன ? : அந்த காலத்தில் அலுவலங்களில் வேலை செய்பவர்கள் மதிய உணவை வீட்டில் இருந்து  தான்  எடுத்து வருவார்கள்,
இது காலையே செய்யப்பட்ட உணவு எனபதால் மதிய வேளையில் உணவு ஆறி போய் இருக்கும்,ஆகவே சிலர் சுட சுட உணவு வேண்டி மதிய உணவை நேரடியாக வீட்டில் இருந்தே மதிய வேளையில் எடுத்து வர  வைப்பார்கள்  .
அதை எடுத்து வருவதற்கென்றே தனியாக  ஒரு  நபரை வைத்திருப்பார்கள்,
அந்த  நபர் அதே அலுவலகத்தில் உள்ள பலருக்கும் மதிய  உணவை அவர் அவர் வீடுகளில் இருந்து எடுத்துவருவார் ,பிற அலுவலங்களில் வேலை செய்பர்களுக்கும் எடுத்துவருவார், அந்த நபருக்கு இதற்க்கென்ற தனியாக கூலி கொடுத்து  விடுவார்கள்.


வீடுகளில் உள்ள பெண்கள் காலை 11 மணிக்கெல்லாம் உணவை தயார் செய்து அதை டப்பாகளில் அடைத்து ஒரு கூடை பையில் போட்டு  வைத்து விடுவார்கள், வீடுகளில் தயார் நிலையில் இருக்கும் அந்த உணவு டப்பாவை கூடையுடன் எடுத்துகொண்டு , சைக்கிளிலோ அல்லது  நடந்தோ அதை சுமந்து வந்து மதியம் 12 முதல் 12:30 மணிக்கெல்லாம் அலுவலகத்தில் வேலை செய்யும்  உரிய நபரிடம் சேர்த்துவிடுவார். இதுபோல் அனைத்து நபர்களிடமும் அவர்  அவர் உணவு டப்பாக்களை சேர்த்துவிடுவார் , 
அவர்கள் உண்டு முடித்தபின் அந்த டப்பாக்களை மீண்டும் வந்து 
2 மணிக்கெல்லாம் வாங்கிக்கொள்வார் , வாங்கியவர் அதை அவர்  அவர் வீடுகளில் மீண்டும் கொண்டு பொய் சேர்த்துவிடுவார் . இந்த இடைப்பட்ட காலத்தில் டப்பாக்களில் மீந்த உணவை அவர் மரினாவில் காத்து நிற்கும் ஏழைகளிடம் எடுப்புச்சோறு என  மிகவும் குறைந்த சில்லறை விலையில் விற்றுவிடுவார்.
அந்த எடுப்புச்சோறு வாங்குவதற்க்கென்றே நிறைய ஏழை மக்கள் காத்து   இருப்பார்கள். பலரது வீடுகளில் இருந்து வரும் மீந்த  உணவை ஒரு கலவையாக செய்து உண்பார்கள் .

அன்று சென்னை மரினா கடற்கரையில் ஏழைகளின் பசியாற்றிய  எடுப்புச்சோறு இப்போது  வழக்கத்தில் இல்லை என்றாலும்
இன்று இது உருமாறி மும்பையில் உள்ள டப்பாவாலாக்கள் அங்குள்ள ஏழைகளுக்கு இதே போல்  டப்பாக்களில் மீந்த மதியம்  உணவை இலவசமாக வழங்கி  வருகிறார்கள்.
https://www.facebook.com/aljazeera/videos/10154760918323690/

எடுப்புச்சோறு ஏழைகளின் பசியாற்றிய உணவு 


தற்போது சென்னையில் Food Bank என்ற ஒரு அமைப்பை  சிநேக மோகன்தாஸ் என்கிற ஒரு இளம் பெண் நடத்தி  வருகிறார் ,இதில் அவர் பலரது வீடுகளில் தினமும் மீந்த  உணவுகளை வாங்கி  வந்து வீதிகளில் உணவின்றி இருப்போருக்கு வழங்கி வருகிறார்.
( சென்னை மற்றும் பிற நகரங்களில் உள்ளவர்கள் அவரிடம் மீந்த உணவை ஒப்படைக்கலாம்,அவர் அதை FOOD BAnk மூலம் ஏழைகளுக்கு விநியோகம் செய்து விடுவார் )
வாழ்த்துவோம், வளரட்டும் அவர்களது தொண்டு .
For other enquires or doubts pls cal 044-24331522, foodbank4chennai@gamil.com
https://www.facebook.com/sneha.mohandoss

இதுபோல் இன்னும் பலர் சேவை செய்து வருகிறார்கள்
அவர்களுக்கு என் நன்றிகள்

உலகில் சுமார் 100 கோடி மக்கள் பசியால் அவதிப்படுவதாகக் கூறுகிறது ஐ.நா. உணவு மற்றும் வேளாண்மை அமைப்பு. அதே வேளையில் உலகின் மொத்த தானிய உற்பத்தியில் 30% தானியங்கள் யாருக்கும் பயனின்றி நுகர்வோரால் வீணடிக்கப்படுவதாக தெரிவிக்கிறது புள்ளி விவரங்கள்.

( தனி ஒரு மனிதனுக்கு உணவில்லையெனில் ஜகத்தினை அழித்திடுவோம்
 பாரதியார் )

#Krishna Kumar G