Wednesday, June 29, 2016

கத்தி புத்தி

ஒரு ஏழு எட்டு  ஆண்டுகளுக்கு  முன்பு மதிய வேலையில் உணவு சாப்பிட்டு விட்டு ...என் மோட்டார் பைக்கில் டயர் வாங்க சென்றேன்..
நல்ல வெயில் என்பதால் சாலையில் எவருமில்லை ..

சாலை  ஓரத்தில் இருந்த  ஒரு டயர் கடைக்கு வந்த பிறகு வண்டியை நிழலில் நிறுத்திவிட்டு ...கடைக்குள் சென்றேன்..
கடைக்காரரிடம் டயர் ரகம் மற்றும் அதன் விலை குறித்து விசாரித்து கொண்டிருந்தேன்...
அவர் ஒவ் ஒரு டயர்ராக எடுத்து எனக்கு காட்டி கொண்டிருந்தார்..

இருவரும் இப்படி பேசி கொண்டிருக்கும் வேலையில்..... 

மிக வேகமாக ஒரு யமஹா rx 100 வண்டி ஒன்று வந்து நின்றது ....
அதில் இருந்த நபர் வண்டியை அப்படியே சாலை மீதே நிறுத்தி விட்டு ..
வண்டியில் இருந்து  இறங்கி ஓடி வந்தார் ... ஓடி வரும்போதே ...தன் இடுப்பில் சொருகி வைத்திருந்த ஒரு அடி பட்டா  கத்தியை வெளியே எடுத்தார் ...
கண் இமைக்கும் நேரத்தில் கடைக்குள் புகுந்தார்...

ஓடி வந்த வேகத்தில் கத்தியை என் எதிரில் நின்று கொண்டிருந்த கடைகாரர் வயற்றில் சொருக.... 
நான் பதறி போய் கை நீட்டி  ...ஏய் .....! என்ன பண்ற...... என்று அலற......,

அவன் சொருக வந்தா பட்டா கத்தி அந்த கடைகாரர் ...வயிற்றில் மேல் இருந்த சட்டை மீது பட்டு சொருகாமல் நின்றது....

அவன் அடுத்த நொடி கத்தியை அங்கே நிறுத்திவிட்டு  அவன் என்னை பார்த்தான் ...
கத்தியை அப்படியே என்னை நோக்கி இடது புறமும் வலது புறமும்... விளாசினான் (விசிறினான்) நான் அவனிடம் இருந்து தப்பிக்க எகிறி பின்னால் குதித்தேன்.... அப்படியே கால்கள் இடறி என் பின்னால் அடுக்கி வைக்கபட்டிருந்த டயர்கள் மீது விழுந்தேன்..

அவன் என்னை விட்டுவிட்டு அந்த கடைக்காரரை மீண்டும் கத்தியால் குத்த முயன்றான்...

நான் எதுவும் பேசவில்லை ..... கிழே விழுந்த நான் படுத்துக்கொண்டே சுற்றும் முற்றும் பார்த்தேன் கடைக்கு வெளியே பலர் நின்றுகொண்டு இந்த நிகழ்வை வேடிக்கை பார்த்துகொண்டு இருந்தார்கள்....
நான் சுதாரித்து கொண்டு கடைக்கு வெளியே ஓடினேன்... ஓடி அங்கே நின்றவர்களிடம் 'ஒருத்தன் கத்தியால குத்த வாறான் வாங்கன்னு குச்சல் போட்டேன்.... எல்லாரும் அப்படியே அமைதியாக வேடிக்கை பார்த்து கொண்டிருந்தார்கள்....  

மீண்டும் கடைக்குள் சென்றேன்.... நான் உள்ளே செல்லவும் அவன் கத்தியை மீண்டும் இடுப்பில் சொருகிகொண்டு வெளியே என் எதிரில் வரவும்  சரியாக  இருந்தது ... அவன் என்னை முறைத்துப் பார்த்து கொண்டே சென்றான்...

அவன் சாலையில் நிறுத்தி வைத்திருந்த அவன் வண்டியை எடுத்து கொண்டு கிளம்பிய  பின் தான் ...அனைவரும் கடைக்குள் வந்து என்ன ஆச்சி என்று விசாரித்தார்கள்,,,,

கடைக்காரரை அவன் கத்தியால் குத்தவில்லை ..... அந்த ஆளு பயத்தில் உறைந்து போய் நின்று கொண்டிருந்தார் 
ஏன் கடைக்காரரை அவன் கத்தியால் குத்தவில்லை என்று தெரியவில்லை ...

பிறகு என்ன பிரச்சனை என்று விசாரித்தேன் .... அது ஒரு பொம்பளை பிரச்சனை என்று தெரிய வந்தது ....

பிறகு  என்னையே நான்  திட்டிகொண்டேன் .....

எவனோ  எவளையோ வச்சிக்க தேவை இல்லாம நான் கத்தியால  குத்து  வாங்கி இருப்பேன்..என்று.. மனதுக்குள் புலம்பி கொண்டேன்..

என்னை போல் நீங்களும் அவசர பட்டு சிந்திக்காமல் முன்னே சென்று வகையாக மாட்டி கொள்ள வேண்டாம்....

மற்றவர்கள் வேடிக்கை பார்ப்பதை போல் நீங்களும் இருக்க வேண்டாம்...

இந்த இரண்டு நிகழ்வுக்கும் இடையே ...சுய புத்தியை தீட்டுங்கள்... வேறு கோணத்தில் யோசித்து இது போல் நிகழும் நிகழ்வுகளை கையாளுங்கள்.
----------------------------------------------------------------------------------------------------------

இன்னும் நிறைய சொல்ல இருக்கு :

பேசிக்கொண்டே இருக்கும் போதே ---பீர் பாட்டிலை உடைத்து குத்த வந்தவன்..

என்னை நோக்கி குத்த வந்த சிறு கத்தியை கையால் பிடித்து ....கையை மட்டும் கிழித்து கொண்டேன்..தப்பித்தேன்..

பென்சில் சீவும் கத்தியை கொண்டு ஒரு நபர் மணிக்கட்டை கிழித்து கொண்டு  தற்கொலைக்கு முயலும் போது ...காப்பாற்ற சென்று அந்த நபரால் என் கைகளில் கிழி வாங்கி உள்ளேன்..பிறகு  அந்த நபர் காயங்கள் ஏதும் இன்றி கத்தியை கிழே போட்டு விட்டார்...

சில நண்பர்கள் எப்போதும் கத்தியுடனே வலம் வருவார்கள்  ஏன் என்று கேட்டால் ...ஆபத்தான சூழ்நிலையில் தேவைப்படும் என்பார்கள்..

நான் அப்படியல்ல இதுவரை வந்த எந்த ஆபத்தான சூழ்நிலையிலும் என்னிடம் கத்தியோ அல்லது வேறு எந்த ஆயுதமும் இருந்ததில்லை ...என் புத்தியே என் தலை சிறந்த ஆயுதமாக கொண்டு தப்பித்துள்ளேன்...

ஆயுதம் வைத்துகொள்வது அவரவர் விருப்பம் ...அதை நான் மறுக்கவில்லை ..
ஆனால் கத்தியை தீட்டுவதற்கு பதிலாக புத்தியை தீட்டுங்கள்.

இதில் இருந்து உங்களுக்கு நான் எந்த கருத்தும் சொல்ல விரும்பவில்லை.

இப்படி கத்தியோடு சில விளையாட்டுகள் எனக்கு நிகழ்ந்துள்ளது என்பதை தவிற....

(எந்த சம்பவம்  நிகழ்ந்தாலும் அம்புலேன்ஸ்க்காக காத்திராமல் பாதிக்கப்பட்டவர்களுக்கு முதல் உதவி செய்யுங்கள் தப்பில்லை கண்டும் காணாமல் செல்ல வேண்டாம் )

....................................................................................................................................................